2012-ci ilin yanvar ayında sənaye sahələrində fəaliyyət göstərən sahibkarlıq subyektləri tərəfindən 2,7 milyard manatlıq məhsul istehsal olunmuş və xidmətlər göstərilmişdir.
Ãœmumi istehsalın 92,4 faizi sənaye mallarının istehsalı, 7,6 faizi isə sənaye xarakterli xidmətlərin hesabına yaradılmışdır. Sənayenin qeyri-dövlət müəssisələri tərəfindən 2,3 milyard manatlıq və ya ümumi istehsalın 82,9 faizi qədər, dövlət müəssisələri tərəfindən isə 0,5 milyard manatlıq sənaye məhsulu istehsal olunmuş və xidmətlər göstərilmişdir.
Yanvar ayında istehlakçılara 2743,7 milyon manatlıq və ya bütün sənaye istehsalının 100,1 faizi qədər sənaye məhsulu göndərilmişdir. Eyni zamanda 2012-ci il fevral ayının əvvəlinə sənaye müəssisələrinin anbarlarında 179,5 milyon manatlıq hazır məhsul ehtiyatı olmuşdur.
Sənaye müəssisələrinin anbarlarında başqa müəssisələrdən alınmış və satış üçün nəzərdə tutulmuş 11,1 milyon manat məbləğində digər mallar da olmuşdur.