2022-ci ildə ticarət dövriyyəsinin həcmi  2021-ci il ilə müqayisədə 5,0 faiz artaraq 30819,1 milyon manat olmuşdur. Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki il ilə müqayisədə 16,9 faiz artaraq 18698,1 milyon manata, qeyri-ərzaq məhsullarının həcmi isə 9,0 faiz azalaraq 12121,0 milyon manata bərabər olmuşdur. İstehlak məhsullarının 32,5 faizi hüquqi şəxs statuslu müəssisələrdə, 52,3 faizi fərdi sahibkarlara məxsus ticarət obyektlərində, 15,2 faizi isə paytaxtın bazar və yarmarkalarında satılmışdır.