2015-ci ilin yanvar-aprel ayları ərzində ictimai iaşə dövriyyəsinin həcmi 2014-cü ilin müvafiq dövrü ilə müqayisədə 17,2 faiz artaraq 194,9 milyon manat olmuşdur. Dövriyyənin 36,5 faizi hüquqi şəxs statuslu müəssisələrdə, 63,5 faizi hüquqi şəxs yaratmadan fəaliyyət göstərən fərdi sahibkarların iaşə müəssisələrində formalaşmışdır. Hüquqi şəxs statuslu müəssisələrdə dövriyyənin həcmi əvvəlki ilin eyni dövrü ilə müqayisədə 23,7 faiz artaraq 71,2 milyon manat təşkil etmişdir.