2016-cı ilin yanvar-aprel aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə 4,6 faiz artaraq 220,5 milyon manat olmuşdur. Dövriyyənin 37,9 faizi hüquqi şəxs statuslu müəssisələrin, 62,1 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyənin həcmi 2015-ci ilin yanvar-aprel ayları ilə müqayisədə 8,4 faiz artaraq 83,5 milyon manat təşkil etmişdir.