2017-ci ilin yanvar ayında ictimai iaşə dövriyyəsinin həcmi əvvəlki ilin eyni dövrü ilə müqayisədə 1,9 faiz artaraq 56,5 milyon manat olmuşdur. Dövriyyənin 42,9 faizi hüquqi şəxs statuslu müəssisələrin, 57,1 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyənin həcmi 2016-cı ilin yanvar ayı ilə müqayisədə 14,7 faiz artaraq 24,2 milyon manat təşkil etmişdir.