2017-ci ilin yanvar-iyun aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə real ifadədə 2,2 faiz artaraq 414,8 milyon manat olmuşdur. Dövriyyənin 43,1 faizi hüquqi şəxs statuslu müəssisələrin, 56,9 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşmüşdür. Hüquqi şəxs statuslu müəssisələrdə dövriyyənin həcmi 2016-cı ilin yanvar-iyun ayları ilə müqayisədə 15,6 faiz artaraq 178,9 milyon manat təşkil etmişdir.