2020-ci ilin yanvar-avqust aylarında ticarət dövriyyəsinin həcmi 2019-cu ilin müvafiq dövrü ilə müqayisədə 0,9 faiz azalaraq 13472,8 milyon manat olmuşdur. Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müfaviq dövrü ilə müqayisədə 6,1 faiz artaraq 6613,7 milyon manata, qeyri-ərzaq məhsullarının həcmi isə 6,3 faiz azalaraq 6859,1 milyon manata bərabər olmuşdur. İstehlak məhsullarının 31,0 faizi hüquqi şəxs statuslu müəssisələrdə, 46,5 faizi fərdi sahibkarlara məxsus ticarət obyektlərində, 22,5 faizi isə paytaxtın məhsul bazarlarında satılmışdır.