2011-ci ilin yanvar-iyun aylarında şəhərin nəqliyyat müəssisələrində çalışan işçilərin orta siyahı sayı 45,2 min nəfər olmuşdur ki, bu da əvvəlki ilin müvafiq dövrü ilə müqayisədə 13,4 min nəfər və ya 22,9 faiz az olmuşdur. Çalışanların orta aylıq əmək haqqı isə 25,6 faiz artaraq 502,9 manat təşkil etmişdir. 2011-ci ilin yanvar-iyun aylarında rabitə müəssisələrində çalışan işçilərin orta siyahı sayı 16,0 min nəfər olmuşdur ki, onların orta aylıq əmək haqqı əvvəlki ilin müvafiq dövrünə nisbətən 11,9 faiz artaraq 731,2 manat təşkil etmişdir. Cari ilin yanvar-iyun aylarında dövlət sektorunda çalışanların orta aylıq əmək haqqı 475,3 manat olmuşdur, bu da əvvəlki ilin müvafiq dövrü ilə müqayisədə 8,3 faiz artmışdır. Qeyri-dövlət bölməsində çalışan rabitə işçilərinin orta aylıq əmək haqqı 1069,7 manat təşkil etmişdir.